நறுமணம் கமழும் கமலப்பூ நீ
உமை நாடி வந்தடையும் சிறு தேனி நான்...சாயி
நறுமணம்......
பாவங்கள் தீர்த்திடும் கோதாவரி நீ
உம்முடன் சங்கமிக்கும் சிற்றோடை நான்...பாபா
நறுமணம்......
வேண்டியதை அள்ளித்தரும் கற்பகத்தரு நீ
உமது நிழலில் ஒதுங்கிடும் சிட்டுக்குருவி நான்....சாயி
நறுமணம்......
சுவை பல மிகுந்த கற்கண்டு நீ
உமையே சுற்றிவரும் சிற்றெறும்பு நான்...பாபா
நறுமணம்......
பிரம்மமே உருவான அவதாரம் நீ
உம்பாதம் பற்றிடும் சிற்றடியேன் நான்...சாயி
நறுமணம்......
முக்காலமும் அறிந்திட்ட மும்மூர்த்தி நீ
எக்காலமும் உமை நினைத்திடும் சிறுதொண்டன் நான்...பாபா
நறுமணம்......
சகலத்திலும் நிறைந்திட்ட ஞானஒளி நீ
உமையே சுற்றிவரும் விட்டில் பூச்சி நான்...பாபா
நறுமணம்......
தூய தெய்வீகப் பேரின்பத்தின் இருப்பிடம் நீ
உமை துதித்து வாழும் சிறுபிள்ளை நான்...சாயி
நறுமணம்......
அகத்தே உறைந்திட்ட ஆத்ம ஞானம் நீ
உமை புறத்தே கண்டிட்ட பாக்கியசாலி நான்...பாபா
நறுமணம்......
No comments:
Post a Comment